Midilibre.fr
Tous les blogs | Alerter le modérateur| Envoyer à un ami | Créer un Blog

28/12/2008

Un programa d'union populara

Cinquena partida del manifèst d'Iniciativa Per Occitània : "Un programa d'union populara"

Nòstra coloracion politica se definís de manièra dinamica: que podèm far? per qui?
Essent que volèm emancipar un país, devèm prepausar un projècte politic per totes los occitans: los d'esquèrra, los de drecha, los del centre, los indecises e los apolitics. Pasmens, es vertat que l'occitanisme politic ten un eiretatge d'esquèrra. E la màger part dels abitants d'Occitània vòtan a esquèrra dempuèi l'Edat Contemporanèa, levat durant qualques periòdes.
Devèm insistir sus un programa progressista e concret, comprensible e realizable a tèrme mejan. Amb aquò la question esquèrra/drecha se resòv: prepausam un programa d'union populara. Son de tèmas prioritaris l'emplec, la seguretat, la justícia sociala, lo desvolopament economic, l'environament, la caça, las regions, Euròpa: los tractam amb las nòstras valors de progrès...
Partèm d'un eiretatge istoric d'esquèrra mas sèm dobèrts a totas las sensibilitats patrioticas occitanas que van de l'esquèrra fins a la drecha moderada. Refusam solament dins nòstre movement las tendéncias antisocialas (ultraliberalas), ultraconservatrises, antidemocraticas (faissistas, stalinistas), racistas, sexistas e integristas.
La liberacion d'Occitània, lo salvament d'un pòble menaçat e de sa cultura, consideram qu'aquò es un objectiu fondamentalament progressista, una urgéncia absoluda que justifica l'union populara. La divergéncia entre antiliberals e liberals es un subjècte important mas mens prioritari, que se deurà reglar après l'independéncia.

Les commentaires sont fermés.