Midilibre.fr
Tous les blogs | Alerter le modérateur| Envoyer à un ami | Créer un Blog

18/01/2009

Lo discors public mai lòng dau mond es dins una lenga minoritària !

Lo laboratòri politic, culturau e sociau Iniciativa per Occitània benastruga lo catalan Lluís Colet per sa proesa : dau diluns 12 de genier, 10 oras, fins au dissabte 17 de genier, 14 oras, dins un restaurant de la gara de Perpinhan, faguèt un discors public ininterromput en catalan per celebrar sa lenga, mespresada per la politica lingüistica repressiva de l'estat francés que li refusa per ideologia nacionalista tota proteccion eficaça. Lluís Colet ganhèt ansin lo recòrd mondiau dau discors mai lòng.

De segur, lei mèdias francés, indiferents a la repression lingüistica dei minoritats nacionalas, an pauc parlat de l'eveniment. Una despacha de l'AFP l'a mai presentat coma la proesa d'un “francés” sensa dire clarament que L. Colet parlèt en catalan! Pasmens, aquela iniciativa es un encoratjament extraordinari per que lei lengas dei minoritats nacionalas, encara reprimidas per l'estat francés, conquisten un espaci public que fins ara lor es enebit.

Sostendrem doncas totei leis accions que valorizaràn l'occitan dins l'espaci public. Occitans e occitanas, parlem nòstra lenga dins totei lei domenis de la vida sociala !

Free Occitània!
Lo 18 de genier de 2009,
Iniciativa per Occitània
http://iniciativaoc.midiblogs.com/
http://es.groups.yahoo.com/group/iniciativa-per-occitania/

Les commentaires sont fermés.