Midilibre.fr
Tous les blogs | Alerter le modérateur| Envoyer à un ami | Créer un Blog

06/01/2009

La posicion d'Iniciativa Per Occitània subre Palestina e Israèl

A l'escasença dels dramas actuals de Gaza e Sderoth, Iniciativa Per Occitània vòl centrar l'atencion del public sus qualques veritats elementàrias.
Aicí, en Occitània, lo combat prioritari contra l'imperialisme es ben la lucha per l'independéncia del pòble occitan. Acceptarem pas jamai aicí, en Occitània, que lo sosten a la causa palestiniana o que lo sosten a Israèl passen abans la causa occitana (e acceptarem encara mens que certans occitanistas, que se pretendon patriòtas, se dividiscan a prepaus d'Israèl e Palestina).
Iniciativa Per Occitània es escalustrat per la desbaucha de violéncia que s'arrèsta pas dempuèi mai de cinquanta ans en Palestina e en Israèl.
La populacion aràbia palestiniana a lo drech de viure dins la dignitat e la patz e de se constituir un estat independent e viable. Condemnam los atacs recurrents de l'estat d'Israèl contra la populacion palestiniana e la colonizacion josieva de las zònas aràbias. Son un mesprètz prigond devèrs la populacion aràbia e una ignorància cinica de sas sofrenças.
La populacion josieva a lo drech de viure dins un estat d'Israèl que siá melhor. L'agressivitat de l'estat d'Israèl e l’integrisme sionista vèrs los arabis son tanben una menaça contra la quita patz de la populacion israeliana. Condemnam atanben los nombroses movements palestinians que practican lo fanatisme religiós, lo culte morbid del martiri e l'asirança del pòble josieu. En particular, l'Hamàs pòrta una granda part de responsabilitat dins l'esperlongament de la violéncia e dins la sofrença dels arabis.
La solucion als conflictes araboisraelians poiriá passar, saique, per una intervencion de l'ÒNU e dels Cascos Blaus amb de mejans serioses per impausar la patz. Tota solucion de patz dirècta entre israelians e palestinians sembla quimerica, malaürosament.
Iniciativa per Occitània sosten los grops pacifistas que militan per la patz e l'amistat entre josieus e arabis e admira lor coratge dins aquel clima dominant d'asirança e de marrida fe.

Free Occitània!
Iniciativa Per Occitània
lo 6 de genièr de 2009
www.iniciativaoc.org

La position d'Iniciativa Per Occitània sur la Palestine et Israël

À l’occasion des drames actuels de Gaza et Sderoth, Iniciativa Per Occitània veut centrer l’attention du public sur quelques vérités élémentaires.
Ici, en Occitanie, le combat prioritaire contre l’impérialisme est bien la lutte pour l’indépendance du peuple occitan. Jamais nous n’accepterons ici, en Occitanie, que le soutien à la cause palestinienne ou que le soutien à Israël passent avant la cause occitane (et nous accepterons encore moins que certains occitanistes, qui se prétendent patriotes, se divisent à propos d’Israël et de la Palestine).
Iniciativa Per Occitània est scandalisé par la débauche de violence incessante depuis plus de cinquante ans en Palestine et en Israël.
La population arabe palestinienne a le droit de vivre dans la dignité et la paix et de constituer pour elle un État indépendant et viable. Nous condamnons les attaques récurrentes de l’État d’Israël contre la population palestinienne et la colonisation juive des zones arabes. Elles expriment un mépris profond envers la population arabe et une ignorance cynique de ses souffrances.
La population juive a le droit de vivre dans un État d’Israël qui soit meilleur. L’agressivité de l’État d’Israël et l’intégrisme sioniste envers les Arabes sont aussi une menace contre la paix même de la population israélienne. Nous condamnons également les nombreux mouvements palestiniens qui pratiquent le fanatisme religieux, le culte morbide du martyre et la haine du peuple juif. En particulier, le Hamas porte une grande part de responsabilité dans la prolongation de la violence et dans la souffrance des Arabes.
La solution aux conflits israélo-arabes pourrait passer, peut-être, par une intervention de l’ONU et des Casques Bleus avec des moyens sérieux pour imposer la paix. Toute solution de paix directe entre Israéliens et Palestiniens semble malheureusement chimérique.
Iniciativa Per Occitània soutient les groupes pacifistes qui militent pour la paix et l’amitié entre Juifs et Arabes et admire leur courage dans ce climat dominant de haine et de mauvaise foi.

Free Occitània!
Iniciativa Per Occitània
le 6 janvier 2009
www.iniciativaoc.org

20/12/2008

Manifèst de 2005 : segonda partida

Segonda partida del manifèst de 2005: “L'emergéncia d'Occitània en Euròpa: un enjòc geopolitic”

Un grand movement d'istòra, uèi, es la construccion europèa, la mondializacion e l'aflaquiment dels estats. Per nosautres, la question estrategica es cossí emancipar Occitània dins aqueste contèxt?
L'emergéncia de las regions e d'Euròpa es un astre. Occitània i deu trobar sa plaça coma una confederacion de regions, desliuras del centralisme francés (eiretièr del bonapartisme), desliuras de las frontièras estatalas, dobèrtas als espacis vesins.
Primièra consequéncia: l'autieuropeïsme a pas cap de sens. La question es pas d'èstre per o contra Euròpa. L'enjòc es de democratizar la construccion europèa, de li donar un contengut social e cultural e d'i garentir la plaça dels pòbles minorizats.
Segonda consequéncia: l'antiindependentisme a pas cap de sens tanpauc. Quin interès de voler restar dins las frontièras dels estats francés, italian e espanhòl mentre que los espacis se dobrisson e se recompausan? E mentre que uèi, 80% de las leis son europèas? Quin interès de gardar de “relacions forçadas” amb París, Roma o Madrid mentre qu'una capitala europèa es plan mai pròcha e afina de l'espaci occitan? Perqué sacralizar las frontièras dels estats que dividisson Occitània? Una Occitània federala, liura e aderenta dirècta d'Euròpa es una amira de mai en mai avantatjosa e imaginabla per nòstre país.
Cal associar lo nom d'Occitània als noms de caduna de sas regions istoricas. Avèm de promòure la riquesa de tota Occitània, de Niça a Bordèu e de Montluçon a Fois. S'agís pas d'un replec localista, s'agís d'assemblar las fondacions d'un patriotisme occitan.
Tot aquò se concep en tèrmes d'escalons complementaris de la democracia, de çò local a çò global: comuna, parçan (país), region, Occitània, Euròpa, Mond.